Akilegajattunit Attasigiamit suliaKausijak sanattaumajuk maligiamit pitaKagialinganit akilettaugunnatsiangujunut Inunnut ilagengujuillu Nunatsiavummi inosiKagajattunut nammininningagut.
NamminitsaKaguvit illusamik amma ikajuttaugumaguvit âkKisuigiamut, Illuit ÂkKisuigiamit SuliaKausijanut, akilegianga atuKatigejaujuk pitjutiKatlugu kenaujaliugutiKatigennitinut, amma suliagijautlugu ikumanga atutsiataugiamit
MaligiaKajavut Nunatsiavut Illuliginnimut kamajiujukkunginnut pititsiKattatuk suliaKausijaminit illuligijiujugalanginnit, tuaviugiaKajuminut initsaKagiamit amma namminiujunginnut illunganit âkKisuigiamut. NapvâgajakKutit sunaujut suliaKausijagalavut mânnaujumi pivitsativugut Illuligijiujuminut kamajinganit mâni.
SuliaKausijavut sanattaumajuk maligiamit Kanugalatuinnanit amma pigumatsiatanginnit ilonnainit Nunatsiavummiungujunut, ilonnangata tallimaujunginnit nunaliujungit. Nunatsiavut Illuliginnimut kamajiujuit maligaliujut kiugiamit illuliginnimut pitaKagialinganit Inunnut papvisâttaugajattunut, tukilik kinakkutuinnanut atulukaKattajunut, illuKangitunut, pigunnangiumajunut, pasiKatiKattajunut, upvalu kinakkutuinnat âkKitaumajuit akilettaujunut upvalu akilettautsiagunnangijut, inutuKat, inosuttuit, suguset paigijautsiagiaKajut, amma ilagengujunut atsâtaugajattunit sugusingannit.
For far too long, Nunatsiavummiut along the North Coast have lived with overcrowding, unsafe and unhealthy living conditions, domestic violence, and homelessness. It is time that we ensure that our basic needs are met. With the Nunatsiavut Housing Commission, we now have the foundation to make real change to the North Coast’s housing crisis.
Nunatsiavut Illuliginnimut kamajiujuit pitaKajut Maligialingannit kavagigiamut ilonnat suliaKausijat amma pigalagiangit. Sunninga pitaKagiamit maligialinganninit pitjutilik piusiliugiamit suliagigialingannit kavagijaugiamut illuliginnimut ilonnainut. Tânna maligak ilonnainut suliaKaKatigijaujunut Nunatsiavut Illuliginnimut kamajiujunut, allâlu initsaKajunit amma suliaKausijat tatattugaliujut amma kavagigiamut suliaKausijanginnit maligaujunga. Maligialingannivut siKumitaujuk pingasojunit pitjutilinnit Kanugalatuinnaujumit illuliginningit (pivalliatuligigianga, akilegajattugianga, ammaniuvigijauninga).
ApitsotitsaKaven pitjutigillugit illuliginnimut suliaKausijannut, tatattuganut, upvalu atugajattaminon? Nunatsiavut Illuliginnimut kamajiujuit suliaKaKatigijut atuinnauvut ikajugiamit. Kanuiliugani ikajuttaugumaguvit tatattugaliugiamut, Kaujigiallagiamut, upvalu Kaujimatsiangikuvit pigiasigiamut – KaujitijaugajakKugut ullumi. Mânevugut ikajotiugiamit ilonnainut Nunatsiavummiungujunut napvâgiamut ulugianangitojunit, itluattunilu illuliginnimut.
